Monday, November 26, 2012

വിവരസാങ്കേതിക വിദ്യയുടെ കാലത്ത് ഒരു ജഡം


അമ്മേ ദേ വന്ന് നോക്ക്
അപ്പന്റെ ജഡം ഫേസ്ബുക്കില്

മോന്റെ നിലവിളിയും
കരിയാൻ വെമ്പി നിൽക്കുന്ന മുട്ടയപ്പത്തിന്റെ മണവും
ഇടകലർന്ന നല്ല പരുപരുത്ത നട്ടുച്ച നേരത്ത്
സൗദാമിനി
തപ്പിത്തടഞ്ഞ്
കൈതുടച്ച്
ലാപ്പ് ടോപ്പിന്റെ മുന്നിലെത്തുന്നു

ശരിയാണല്ലോ
സൂക്ഷിച്ചു നോക്കുന്നു സൗദാമിനി
കണ്ണ് വട്ടം പിടിച്ച് പിന്നെയും നോക്കുന്നു സൗദാമിനി

നീണ്ട് മലർന്ന്
കണ്ണ് തുറിച്ച്
കൈയ്യും കാലും ചതഞ്ഞരഞ്ഞ്
അങ്ങോരുടെ തന്നെ ജഡം.

പെട്ടെന്നൊരു മഞ്ഞുകാലം
നെറുകന്തല വരെ പെരുത്തു കേറി

സൗദാമിനി അയ്യോ അമ്മേ നാട്ടുകാരേയെന്ന്
പരമാവധി ഉച്ചത്തിൽ
ലൗഡ് സ്പീക്കറിനെ അനുസ്മരിപ്പിക്കുന്ന വോളിയത്തിൽ
സഹായത്തിനു വിളിക്കുന്നു

ശരിയാണല്ലോ
കൈകാലുകളറ്റ്
ചിറികോടി
രക്തമെല്ലാം തറയിലേയ്ക്കൊഴുകിപ്പരന്ന്
വണ്ടി കേറിയ പോലെ കിടപ്പിലാണല്ലോ
കുഞ്ഞപ്പൻ.

കുഞ്ഞപ്പനിതെന്നാ പറ്റിയെന്ന്
മൂക്കത്ത് വിരലുവെയ്ക്കുന്നുണ്ട് , നാട്ടുകാര്

മുട്ടയപ്പം കരിയുന്നുണ്ട്
അടുക്കള പുകയുന്നുണ്ട്
എനിയ്ക്കൊന്നുമറിയാമ്മേലേന്ന്
സൗദാമിനി കരയുന്നുണ്ട്
ഞെഞ്ചത്തടിച്ച്
കരള് തല്ലിച്ചതയ്ക്കുന്നുണ്ട്
ഒന്നുമറിയാണ്ട്
മക്കളും കൂടെ കരയുന്നൊണ്ട്

ദേ ഇപ്പ വരാന്നു പറഞ്ഞോണ്ടെറങ്ങിയതാ,
നേരം പെരപെരാന്നു വെളുത്തപ്പോ.
കാണാണ്ടായപ്പം ഞാങ്കരുതി
അങ്ങാടീലെങ്ങാനും പോയതാന്ന്
കെ എസ് എഫീലു ചിട്ടിപ്പണം കെട്ടാൻ പോയതാന്ന്
മോൾടെ ടീച്ചറെക്കാണാൻ പോയതാന്ന്
മോണിങ്ങ് ഷോയും കഴിഞ്ഞ്
ഉച്ചയൂണിനു മുമ്പിങ്ങെത്തുമെന്ന്

ചതിച്ചല്ലോ ഭഗവതീ
കെടപ്പ് കണ്ടില്ലേ…

പെണ്ണുങ്ങൾ വന്ന്
ഉള്ളിലേക്ക്
തണുത്തവാക്കുകൾ ഒഴിച്ചു കൊടുക്കുന്നുണ്ട്

സങ്കടം മൂക്കുചീറ്റിക്കളയുന്നുണ്ട്
കോന്തലകൊണ്ട്  കണ്ണീരൊപ്പി നീക്കുന്നുണ്ട്
കണ്ണിലിപ്പോൾ കരിന്തിരി പുകയുന്നുണ്ട്

വന്ന വന്ന
പുരുഷന്മാർ
ഫേസ് ബുക്കിന്റെ മുൻപിൽ ശവത്തിനു കാവലാണ്
ഈച്ചയാട്ടണമെന്ന് കരുതുന്നുണ്ട്
സാമ്പ്രാണി കത്തിയ്ക്കണമെന്നു വിചാരിക്കുന്നുണ്ട്.
പന്തലിടണമെന്നുംനാലുപാടുമോടണമെന്നും
ആലോചിക്കുന്നുണ്ട്
പലരും കൂടിയാലോചിക്കുന്നുണ്ട്.

മിഴിച്ചു നിക്കാണ്ട്
ആരേലുമൊന്ന് കേറി നോക്ക്
മക്കടപ്പന് എന്നാ പെണഞ്ഞെന്ന്.

നാരായണൻ ചേട്ടാ
നിങ്ങളൊന്നകത്ത് കേറി നോക്ക്
മക്കടപ്പന് എന്നാ പെണഞ്ഞെന്ന്

സൗദാമിനി
ഞങ്ങളെന്നാ ചെയ്യാനാ
ഇതിനകത്തോട്ടെങ്ങനെ കേറാനാ
അവന്റെ മൊബൈലാണെങ്കിൽ സ്വിച്ചോഫാ
ഈ കുന്ത്രാണ്ടത്തിലിങ്ങനെ കെടന്നാ
ഞങ്ങളെന്നാ ചെയ്യാനാ?
എല്ലാരും  കൈമലർത്തി
ഫെയ്സ് ബുക്കിൽക്കിടന്ന ജഡം
നേരത്തോട് നേരമാകാനുള്ള ദൂരം പാതി പിന്നിട്ടു

മക്കടപ്പന്റെ ജഡം
ആരും തൊടാതെ
ഈച്ചയാർത്ത്
ഫേസ് ബുക്കിൽ തന്നെ കിടപ്പുണ്ട്
ആംബുലൻസ് വരുന്നതും കാത്ത്.

43 comments:

  1. ഇടയ്ക്കു ശവത്തെ ലൈക്കിയവരും കാണും

    ആശംസകള്‍

    ReplyDelete
  2. മക്കടപ്പന്റെ ശവത്തിനൊരു ലൈക്ക്

    (സത്യം പറയട്ടെ, ഫേസ് ബുക്കിനെ സംബന്ധിച്ച അനേകരചനകള്‍ വായിച്ചിട്ടുണ്ട്. പക്ഷെ ഇത്ര ഇഷ്ടപ്പെട്ടതൊന്നില്ല ഇതുവരെ)


    ഫേസ് ബുക്കിലൊരു ലിങ്ക് കൊടുക്കട്ടെ

    ReplyDelete
    Replies
    1. നന്നായി ഇഷ്ടമായി

      Delete
  3. ഈശ്വരാ.. നാളെ ഇങ്ങനെയുമോ ??

    ReplyDelete
  4. ഫേസ്ബുക്കില്‍ അജിത്‌ ചേട്ടന്‍ ഇട്ട ലിങ്ക് വഴിയാ വന്നത്. കൊള്ളാം നല്ല രസത്തില്‍ വായിച്ചു... ഹാസ്യത്തില്‍ പൊതിഞ്ഞ നല്ല സൃഷ്ടി.. ആശംസകള്‍

    ReplyDelete
  5. hahahha അത് കലക്കി ,ഇനി മക്കടപ്പന്റെ ജഡം എനിക്ക് ടാഗ് ചെയ്യുമോ ആവോ ??

    ReplyDelete
  6. മക്കടപ്പന്‍റെ ശവത്തിനു ഒരു ലൈക്കും ഷഹരും ..ഒരു പാട് ഇഷ്ടമായി..

    ReplyDelete
  7. ഹഹഹ , ചിരിച്ചു ചിരിച്ചു കരഞ്ഞു പോയി . കുറച്ചു ദിവസം മുന്‍പ് ഒരു പയ്യന്‍ തന്റെ പിതാവിന്റെ മൃതദേഹം ഫെയിസ് ബുക്കില്‍ അപ്‌ലോഡ്‌ ചെയ്ത വാര്‍ത്ത കേട്ടിരുന്നു, ലൈക്‌ കിട്ടാനായി ...

    ReplyDelete
  8. അവസാനം മക്കടപ്പന് അമ്പതു ലൈക്കും , അമ്പതു ഷെയറും ... ഹോ സമ്മതിക്കണം ഭായ്... :)

    ReplyDelete
  9. ആധുനികം. അത്യന്താധുനികം.
    സമകാലിക സംഭവങ്ങളിലേക്ക് ഒരു ചൂണ്ടുവിരല്‍
    നന്നായിട്ടുണ്ട് അനില്‍

    ReplyDelete
  10. അജിത്തേട്ടൻ വഴിയെത്തിയതാ..,
    വളരെ നന്നായി സമകാലീൻ സംഭവങ്ങൾ ആവിഷ്കരിച്ചു.., നന്നായി..

    ReplyDelete
  11. ഹിഹീ... ഫെയ്സ്ബുക്കാണ് ഇപ്പോ ജീവിതം..!!

    ReplyDelete
  12. വളരെ ഇഷ്ടമായി. Ajith ഭായ്‌ പറഞ്ഞാണ് വന്നത്. നല്ലതാവുമെന്നു ഉറപ്പായിരുന്നു

    ReplyDelete
  13. സത്യം പറയട്ടെ, ഫേസ് ബുക്കിനെ സംബന്ധിച്ച അനേകരചനകള്‍ വായിച്ചിട്ടുണ്ട്. പക്ഷെ ഇത്ര ഇഷ്ടപ്പെട്ടതൊന്നില്ല ഇതുവരെ

    ReplyDelete
  14. വളരെ ഇഷ്ടമായി.

    ReplyDelete
  15. മക്കടപ്പൻ ആഡ് എ ഫോട്ടോ ഓഫ് യൂ ഓൺ ഫേയ്സ് ബുക്ക്.
    അങ്ങനേയും ഒരു ദിവസം വരും. ഹമ്പമ്പോ....
    ഇതൊര് കവിതയാക്കി മുറിച്ചെഴുതുന്നതിനേക്കാൾ രസം, വരികൾ പിരിക്കാതെ ആവശ്യമുള്ളീടത്ത് കുത്തും കോമയുമിട്ട് തിരിച്ച് ഒരു മിനിക്കഥയാക്കുന്നതായിരുന്നു.
    നല്ല രസമുണ്ട് വായിക്കാൻ.
    ആശംസകൾ.

    ReplyDelete
  16. എനിക്കു വളരെ വളരെ അധികം ഇഷ്ടമായ ഒരു രചന , ആശംസകള്‍

    ReplyDelete
  17. രസകരം ... ശവങ്ങള്‍ ഇങ്ങിനെയും ആകുന്ന കാലം വിദൂരമല്ലല്ലേ?

    ReplyDelete
  18. ഇത് ഉത്തരാധുനികതയെയും മറികടന്നു പോയി ഹഹ്ഹ

    ReplyDelete
  19. അവസാനം അപ്പന്റെ ജഡത്തിന് എന്റെ വക ഒരു ലൈക്ക്

    ReplyDelete
  20. ഞാനും അജിത്തേട്ടൻ വഴിയെത്തിയത് അപ്പൻറെ ജഡം കാണാൻ ഞെട്ടിപ്പോയി കേട്ടോ.. കരഞ്ഞ് മൂക്ക് പിഴിഞ്ഞോണ്ട് ഫെയ്സ്ബുക്കിൽ ലൈക്കിയിരിക്കുവാണ് കാഴ്ചക്കാരൻ

    ReplyDelete
  21. നന്നായിരിക്കുന്നു..
    ആശംസകൾ...

    ReplyDelete
  22. ഒരു ലൈക്ക്, എന്റെയും ..

    ReplyDelete
  23. FAce book illenkil avar ee kaaryam ariyaathe poyene alle...appo FB kkoru like irikkatte

    ReplyDelete
  24. അപ്പനെ വടിയാക്കി അപ്‌ലോഡുചെയ്യുന്ന കാലത്തിന്‌ പറ്റിയ കവിത ....ഒരുപാടു ലൈക്കി മാഷേ .

    ReplyDelete
  25. കവിയുടെ പരിഹാസം കുറിക്കു കൊള്ളുന്നു.

    ReplyDelete
  26. അനിലന്‍ മാഷേ ...ഉഗ്രന്‍

    ReplyDelete
  27. അടിപൊളിയായിട്ടുണ്ട്..............

    ReplyDelete
  28. ഒരുപാടു പേരു ലൈക്കിയല്ലേ... ഫേസ്ബൂക്ക് അത്ര വലിയ ഭാഗമാണു. അപ്പന്റെ ജഡം പിരുപിരാന്നു കയറിപ്പോയി മനസ്സിലേക്ക്..

    ReplyDelete
  29. അതിനു കിട്ടിയ കമന്റ്സ് കൂടെ കൊടുക്കമായിരുന്നു

    ReplyDelete